इंडियन रेड क्रॉस सोसायटी संचलित 'स्वयम्' विशेष मुलांची शाळा येथील 10 मुलांना सौ. अरुंधती महाडिक यांच्या पुढाकारातून व भागीरथी महिला संस्था, भीमा रिद्धी, चॅनेल बी आणि पी. व्ही. के. ऍग्रो प्रॉडक्ट यांच्या माध्यमातून दत्तक घेण्यात आले आहे. या शाळेला सौ. वैष्णवी महाडिक व सौ. मंजरी महाडिक यांच्या हस्ते धनादेशच्या माध्यमातून मदत केली. मुलं म्हणजे देवा घरची फुलं आणि या सर्व फुलांची काळजी घेणे आपल्या सर्वांची जबाबदारी आहे. म्हणूनच इंडियन रेड क्रॉस सोसायटीचे 'स्वयम्' या विशेष शाळेमधील मुलांनी कष्टातून साकारलेल्या शाडूच्या सुंदर गणेश मूर्ती तसेच दिवाळीसाठी बनवलेल्या अनेक आकर्षक वस्तू विकत घेऊन त्यांचा आधार बनुया व त्यांना स्वयंपूर्ण बनण्यास हात देऊयात असे आवाहन सौ. वैष्णवी महाडिक यांनी यावेळी केले.
या प्रसंगी चेअरमन मा. सौ. शोभा तावडे, मा. निरंजन वायचळ, मुख्याध्यापक मा. प्रमोद भिसे, मा. श्रीनिवास मालू तसेच सर्व शिक्षक व शिक्षकेतर कर्मचारी आणि विद्यार्थी उपस्थित होते. *खासदार धनंजय महाडिक*

---