रोटरी क्लब ऑफ कोल्हापूर मिडटाऊन आणि कोल्हापूर जिल्हा फोटोग्राफर्स असो. व कोल्हापूर क्रेएटर्स ग्रुप यांच्या संयुक्त विद्यमाने खुल्या छायाचित्रण स्पर्धेचे आयोजन केले आहे. या स्पर्धेचे उद्घाटन रोटरी क्लब ऑफ कोल्हापूर मिडटाऊनच्या अध्यक्षा सौ. अरुंधती महाडिक यांच्या हस्ते करण्यात आले.
या स्पर्धेमध्ये सहभागी झालेल्या सर्व चित्रकारांच्या छायाचित्रांचे प्रदर्शन 17 ते 19 ऑगस्ट पर्यंत शाहू स्मारक भवन येथे नागरिकांसाठी पहावयास खुले आहे. तरी कोल्हापुरातील नागरिकांनी मोठ्या संख्येने येऊन या प्रदर्शनाचा लाभ घ्यावा, तसेच अप्रतिम व नेत्रदिपक छायाचित्रांची खरेदी करू शकता. या विक्रीतून झालेली कमाई ही सामाजिक कार्यासाठी वापरण्यात येणार आहे. तेव्हा या प्रदर्शनाला नक्की भेट द्या व आपल्या आवडीनुसार छायाचित्रांची खरेदी करून सामाजिक कार्याला हातभार लावावा. आपली छोटीशी मदत ही गरिबांच्या जीवनात आनंद देऊ शकेल. असे आवाहन रोटरी क्लब ऑफ कोल्हापूर मिडटाऊनच्या वतीने करण्यात आले आहे.

---