लक्षतीर्थ वसाहत येथील कोल्हापूर महानगरपालिकेच्या यशवंतराव चव्हाण विद्यामंदिर याठिकाणी भागीरथी महिला संस्था व रोटरी क्लब ऑफ कोल्हापूर मिडटाऊनच्या वतीने आणि सौ. अरुंधती महाडिक यांच्या संकल्पनेतून आकाशकंदील बनवणे कार्यशाळा संपन्न झाली.

भागीरथी महिला संस्थेच्या माध्यमातून सौ. अरुंधती महाडिक यांच्या मार्गदर्शनाखाली नेहमीच सामाजिक व शैक्षणिक उपक्रम राबवले जातात. या सर्व उपक्रमांना भरभरून प्रतिसाद मिळतो. या कार्यशाळेत प्रशिक्षक मा. अर्चना प्रभावळे यांनी मुलांना आकाशकंदीलसह दिवाळीच्या विविध वस्तू कशा तयार कराव्यात याची प्रात्यक्षिके करून दाखवली.

यावेळी मुख्याध्यापक मा. गीता काळे, मा. शिवानी पाटील, मा. राहुल पाटील, मा. विकास राऊत, मा. मंदाकिनी पाटील, मा. अरविंद मुरकुटे, मा. वंदना भोपळे, मा. कविता रावळ, मा. वैशाली पाटील, मा. दीपक कुंभार यांच्यासह सर्व शिक्षक व विद्यार्थी मोठ्या संख्येने उपस्थित होते.

---